Tuesday, April 22, 2014

மரணமிலா பெருவாழ்வு!



மரணமிலா பெருவாழ்வு!

_________________________

இவை அனைத்தும் தவ அனுபவங்கள் மூலம் கிடைக்கும். அதனால் அந்த பேரின்ப அனுபவத்தை வார்த்தைகளாலும் வரிகளாலும் சொல்வது கடினம். புரிந்து கொள்வது அவரவர் அறிவும் பக்குவமும் பொறுத்ததே. 
எல்லாம் வல்ல இறைவன், எங்கும் நிறைந்த இறைவன் பேரோளியான இறைவன் நம் உடலில் கண்மணியின் மத்தியில் உள்ள ஊசிமுனையளவு துவாரத்தின் உள் ஊசிமுனை அளவு நெருப்பாக இருக்கிறான்!!

நம் உடம்பில் உட்புகு வாசலாகிய இரு கண்மணியில் ஞான குருவால் தீட்சை பெற்று கண்மணியில் உணர்வு பெற்று அதை நினைந்து நினைந்து உணர்ந்து உணர்ந்து தியானம் செய்ய வேண்டும்!!

தொடர்ந்து முயற்சி செய்யச் செய்ய நெகிழ்ச்சி ஏற்பட்டு கண்களில் நீர் ஆறாக பெருகி பாயும். இப்படியே சாதனை தொடர வேண்டும்!!

அப்போது கண்மணியின் உள் உள்ள சிறுஜோதி கொஞ்சங் கொஞ்சமாக பெருகும்! கண்மணியின் சுழற்சி கூடுவதால் இது நடக்கும்!!

மனம் அங்கே நிற்பதால் இது கைக்கூடும்!!

இருகண்மணி வழி பெருகும் ஜோதி உள்புகுந்து சேர்ந்து அக்னி கலையுடன் போய் சேரும், அந்த இடம் நம் தலை உச்சிக்கு கீழ், வாய் அண்ணாக்குக்கு மேல் உள்ள இடமே!!

“விண்ணின் றிழிந்து வினைக்கீடாய் மெய்கொண்டு
தண்ணின்ற தாளைத் தலைக்காவல் முன்வைத்த
உண்ணின் றுருக்கியொ ரொப்பிலா ஆனந்தத்
கண்ணின்று காட்டி களிம்பறுத் தானே” 
- திருமந்திரம்
             
இங்கே பதிவு செய்யப்பட்டது மற்றும் பதிவு செய்யப்போகும் சொல்லப்பட்டவை அனைத்தும் இந்த ஒரு பாடலில் அடங்கும்! சனாதன தர்மத்திற்கு விளக்கம் இந்த ஒரு பாடலே போதும்!!

நம் கண்மணியில், வலது கண் சூரியன், இடதுகண் சந்திரன் ஆகிய இரு கண்மணிகளிலும் தியானம் செய்வதால் பெருகும் ஒளி உட்புகுந்து அக்னி கலையில் சேரும் – அதுவே முச்சுடரும் ஒன்றான நிலை! ஜோதி பாதம்! திருவடி!!

இந்நிலைபெறும் முயற்சியிலிருக்கும் சாதகனுக்கு படிப்படியாக உச்சியிலிருந்து உள்ளங்கால்வரை உள்ள 72,000 நாடி நரம்பிலும் கொஞ்சங் கொஞ்சமாக ஒளி பரவும்!!

உடல் தூய்மையடையும்! நோய்நொடி வராது! உடல் உறுதி பெறும்! உள்ளம் பண்படும்! இறையருள் கிட்டும்! எல்லா ஞானிகளின் ஆசீர்வாதமும் பெறுவான்!!

ஜோதி தரிசனம் கிட்டும்!

திரைகள் விலகும் ஆன்மா பிரகாசிக்கும்! அங்கிருந்து ஜோதி ஊர்த்துவமுகமாக மேல் எழுந்து உச்சியை – சஹாஸ்ராரத்தை அடையும்!

உச்சியை அடைந்தால் அறிவுப் பிரகாசம்! பரவெளி காணலாம்! வெட்டவெளியில் உலவலாம்! பேரின்பம்! பேரின்பம்! பேரின்பமே!

இதுதான் சனாதன தர்மம் உரைக்கிறது!

எல்லோருக்கும் பொதுவான நெறிஇதுவே!
வாருங்கள் உலகோரே!
வாழுங்கள் ஒளி நெறியில்!
வாழ்வாங்கு வாழலாம்!

அன்பு என்னும் ஆயுதமும்!
அறிவு என்னும் கேடயமும்!
கொண்டு உலகை வெல்வோம்!

No comments:

Next previous home
Related Posts Plugin for WordPress, Blogger...